உயிர்த்தமிழ்

                                                           

அன்னைத் தமிழை அழகு படுத்த

எடுப்போம் சீரிய எளிய முயற்சி

கன்னித் தமிழைக் கண்ணெனக் கொண்டு

காப்போம் என்றும் கலைஞனைப் போலே

அன்னிய மொழிகள் அரித்திட முயலினும்

தோற்கச் செய்து தேறுதல் அளிப்போம்

தேறுதல் நாமே தெள்ளிதின் உரைத்தால்

மக்கள் கூட்டம் மங்கா(து) என்றுமே

மொழிகள் அனைத்திலும் முதன்மை மொழியிது

தமிழே என்றும் தன்னிகர் மொழியே

இதனைக் காக்க இன்னுயிர் நீத்தோர்

இன்றும் நினைவில் ஈரமாய் உறைகிறார்

மொழிப்போர் மீண்டும் மையம் கொள்ள

எதிர்ப்போர் அதனை எதிர்த்துக் கேட்க

நினைப்போர் இன்று தரணியில் வாழ

மீட்போர் நாமென உறுதி கொள்வோம்.

-    நிலைமண்டில ஆசிரியப்பா